More than just news
BBNaija housemate wey be Rebecca Hampson wey pipo dey call Nengi don recently reveal on her true feelings for fellow housemate wey be Prince.
SEE BABE! 5 MOST BEAUTIFUL BBNAIJA HOUSEMATE
She wey dey express im true feelings towards am, talk say she no dey really like am anymore and come add say she just dey stay with am because say she bin tend to sleep very late at night.
When Prince bin doubt di fact say she no like am anymore, Nengi tell am say she dey only use am pass time.
She bin write: ”I no like you anymore.”
Prince bin reply: ”Yes, you like me”
Nengi then be break di table to talk say ”I no, I just dey use you pass time.”
I GO USE MY SPIRITUAL POWER SHUT DOWN BBNAIJA
One Naija pastor wey im name never dey known don warn di obodo Naija gofment say make dem stop di broadcast of di ongoing BBNaija reality TV show or im go use im spirtual power to shut am down.
According to im, im talk say skool pikin dem dey home now because of di COVID-19 pandemic and di only thing dem dey do nah to watch BBNaija wey dey corrupt dia moral upbringing.
Im bin write: ”President Buhari, I wan ask you, shey una don sell this country give BBNaija? You pipo dey recommend online lessons for our pikin dem, we bought android phones for dem to use and do online lessons and dem don dey use smartphone wey dem buy for dem to watch this rubbish.
”For di Pastor, there bin no moral lesson for di ongoing TV reality show and come call on gofment say make dem shut am down or im go do am spiritually.
Some Naija wey dey react to wetin im talk on social media don dey slam am and even ask am how im take know say di show dey immoral if e never watch am and also tell am say, dem bin get plenti channels to watch if im no wan watch BBNaija.
K*SS RAIN DON FALL FOR BBNAIJA SEASON 5
Kiddwaya, Lilo, Wathoni, Eric and Tolanibaj nah some of di housemates wey lips gum each other own as dem dey gbedu di night party for di live television reality show.
Di first set of housemates to lock dia lips together, just 6 days into di 10 week TV reality show nah Kiddwaya wey be di son of billionaire Terry Waya and di Deputy Head of House Wathoni wey her real name nah Florence Wathoni Anyansi.
No be every Housemate wey dia luck shine to k*ss somebody wey dem like but dem do oda interesting dares too. Ka3na lick Neo nipples.
Brighto own dare for di night nah to lick Tolanibaj ear. Anoda housemate wey also do im own dare nah Trikytee, im touch Tolanibaj breast.
Meanwhile, dem never start to dey evict any housemates yet for di reality show wey start on Sunday 19 July.
Di show host Ebuka Obi-Uchendu announce during di show say dis season nominations go dey different.
E say Big Brother don introduce new eviction twist. Di new twist wey Biggie introduce nah to put all housemates up for possible eviction. Nah only di Head of House and Deputy Head of House wey go get immunity.
Even though Biggie don set all dis rules for di house, some housemates don begin dey chewing gum demsefs inside di house.
Relationship, situations and entanglement nah wetin fans dey take describe some of di hookups wey dey happun inside di Big Brother Naija season 5 lockdown house.