Some supporters of di All Progressives Congress don fault critics afta dem blame Naija present economic woes on President Muhammadu Buhari.
Dey bin yarn say di current hardship wey dey di country na direct punishment from God to di pipu of Naija for dia various sinful acts.
Di President supporters inside one widely circulated song for Hausa bin claim say Naija pipu bin turned away from God, hence di hardship wey dem dey currently face as punishment.
Di song dey titled “Babu ruwan Buhari” wey mean say ‘E no get anything to do with Buhari.’
“Pipu gatz stop to dey blame Buhari for current hardship. Na our sins and disobedience to Allah naim put us inside difficulties.
“Buhari get nothing to do with dis. Na rezot of our sins.
“We don abandon Allah. E get nothing to do with Buhari.
“We gatz seek forgiveness for our sins. E get nothing to do with Buhari,” di lyrics of di song bin yarn.
Time wey no too tey Kastina pipu bin complain say bandits bin dey cause wahala for dia state, we wan ask if na dia sin and disobedience cause dat one?
Thousands of residents of Turare and Dogon Ruwa communities under Dustin-ma Local Government Area of Katsina State on Thursday morning bin block one highway to protest repeated attacks by armed bandits on di community.
Di residents bin yarn say di protest dey follow an attack in which many of dia pipu lose dia lives, woundjured and con rape dia women.
Di protest dey come days afta gunmen wey dey suspect to be bandits bin kill Mallam Sadi, Youth Leader of the All Progressives Congress inside Yau-Yau/Mallamawa ward unda Batsari Local Government Area of di state.
Di protesters, wey comprise adults and children, bin ask President Muhammadu Buhari and Governor Aminu Masari to resign ova si spate of insecurity in di state.
One of di protesters bin tell SaharaReporters say residents of di area now live inside fear as security agencies dey eppless.
Katsina na one of di states wey dey North-West wey don witness repeated attacks by armed bandits on communities.
E no pass 150 pipu wey dey reportedly dey killed by bandits inside Kankara, Dutsinma, Musawa, Danmusa and Safana local government areas of di state in di last two months